December 2, 2016

प्राकृतिक स्रोतरुपी सुनको थाल बोकेर बिदेशीसंग माग्न नेपाललाइ सुहऊँदैन-सम्वृद्धि हाम्रै जिवंकलामा सम्भव छ- भट्टराई


डा. बाबुराम भट्टराईले ‘सुनको थाल बोकेर कहिलेसम्म रोग, भोक र अभावमा बाँचिरहने ?’ नयाँ शक्ति पार्टी संयोजक डा. भट्टराईले राजनीतिक परिवर्तनका लागि नेपाली जनताले धेरै समय खर्चिसकेको बताउँदै अब सम्पूर्ण ध्यान विकास र समृद्धिको लागि लगाउनुपर्ने जिकिर गरे । उनले भने,‘ढिलै भएपनि मुलुकमा केही अपूर्णतासहित महत्वपूर्ण राजनीतिक परिवर्तन भएको छ, संविधान संशोधनमार्फत जननिर्वाचित कार्यकारी नेतृत्व र अन्य केही अपूर्णताहरु छिटो सम्बोधन गरेर हामीले हाम्रो सम्पूर्ण क्षमता विकास र समृद्धिमा केन्द्रित गर्नु पर्छ । कछुवा घस्रिएजस्तो गतिले हामी कहिँकतै पुग्नेवाला छैनौँ ।
हामी तीव्ररुपमा दौडनु पर्छ ।’ संयोजक डा. भट्टराईले नयाँ युगको आवश्यकता सम्बोधन गर्न सक्ने नयाँ विचार, पार्टी र नेतृत्व अन्तरिक्षबाट नआउने बताए । उनले भने,‘हामीले हाम्रो पुरानो सोच्ने तरिका, संगठनात्मक प्रणाली, नेतृत्व प्रणाली, विचारसँग सम्बन्ध विच्छेद गरी नयाँको लागि तयार हुनुपर्छ ।’ जसले नयाँ र सक्षम पुस्तालाई नेतृत्वमा जानबाट रोकिरहेको भन्दै डा. भट्टराईले भने, त्यसलाई भत्काउनुपर्छ र तीन करोड नेपालीहरु सबैले आफ्नो प्रतिभा र क्षमतालाई राष्ट्र निर्माणमा लगाउन सक्ने पद्धितको विकास गर्नुपर्छ ।’ उनको प्रश्न थियो,‘हिजो राजनीतिक परिवर्तनको बेला व्यवस्था फेर्न हरेक सचेत नेपालीभित्र वीरता जाग्नुपर्दथ्यो, अब हरेक नेपालीभित्रको उद्यमशीलता र इन्नोभेसन जगाउनुपर्छ । के त्यस्तो राजनीति अब हामीले गर्न सक्छौं ?’ संयोजक डा.भट्टराईको तर्क छ,‘नेपालमा नकरात्मकताको पछि लागेर निराशाको व्यापार गर्दै हाम्रो ऊर्जाशील समय बर्बाद गर्नुभन्दा हाम्रै समाजमा सफलताका नयाँ अध्यायहरु सुरु गरेकाहरुको सफलताको कथा सुन्ने र सुनाउने नयाँ संस्कारको सुरुवात गर्न सक्छौं ।’ ठूला र सानाको मर्यादाक्रम भत्काउँदै प्रत्येक नागरिक प्रवुद्ध वर्ग बन्नु पर्नेमा जोड दिदै उनले भने,‘हरेकले आफ्नो ठाउँबाट सकरात्मकरुपमा मुलुकको विकासको लागि भूमिका खेल्नुपर्छ ?’ संयोजक डा. भट्टराईले देशको विकास र समृद्धि सम्भव तुल्याउनको लागि कुनै भगवान नभएकाले नागरिक आफैले गर्नुपर्नेमा जोड दिए । 
उनले भने,‘हामी नागरिक हौं, आफूलाई चिनौं, देशलाई चिनौं र विकास र समृद्धिको रुमानी यात्रा सुरु गरौं ।’ 

0 प्रतिक्रिया हरु:

Post a Comment

यस बिषयको बारेमा तपाईको विचार
कमेन्ट को लागि Comment as मा Click गर्नुहोस् । name/url छानेर name मा आफ्नो नाम लेख्नुहोस् । url खाली छोडे पनि हुन्छ अथवा facebook को profile को url राख्नुहोस् । अन्तमा submit post गर्नुहोस। नाम बिना कमेन्ट गर्ने भए select Anonymous.

Share

Twitter Delicious Facebook Digg Stumbleupon Favorites More